काठमाडौं, २६ जेठ — नेपाल राष्ट्र बैंकले आजका लागि सार्वजनिक गरेको विदेशी मुद्राको विनिमयदर अनुसार अधिकांश प्रमुख विदेशी मुद्राको मूल्य वृद्धि भएको छ। अमेरिकी डलर, युरो, पाउण्ड स्ट्रलिङ, स्वीस फ्रयाङ्क, अष्ट्रेलियन डलर, क्यानेडियन डलर, सिङ्गापुर डलर लगायत खाडी मुलुकका रियाल, दिराम, दिनार तथा एसियाली मुद्राहरूको विनिमयदर बढेको हो।
आज अमेरिकी डलर एकको खरिददर १५२ रुपैयाँ ८४ पैसा र बिक्रीदर १५३ रुपैयाँ ४४ पैसा कायम भएको छ। अघिल्लो दिनको तुलनामा डलरको मूल्य उल्लेख्य रूपमा बढेको हो।
यस्तै, युरोपियन युरो एकको खरिददर १७६ रुपैयाँ ३९ पैसा र बिक्रीदर १७७ रुपैयाँ ९ पैसा पुगेको छ भने बेलायती पाउण्ड स्ट्रलिङको खरिददर २०४ रुपैयाँ २६ पैसा तथा बिक्रीदर २०५ रुपैयाँ ६ पैसा निर्धारण गरिएको छ।
स्वीस फ्रयाङ्क, अष्ट्रेलियन डलर, क्यानेडियन डलर र सिङ्गापुर डलरको मूल्य पनि अघिल्लो दिनको तुलनामा बढेको राष्ट्र बैंकले जनाएको छ।
एसियाली मुद्रातर्फ जापानी येन, चिनियाँ युआन, थाइ भाट र दक्षिण कोरियाली वनको विनिमयदरमा पनि वृद्धि भएको छ। आज जापानी येन १० को खरिददर ९ रुपैयाँ ५५ पैसा तथा बिक्रीदर ९ रुपैयाँ ५९ पैसा कायम गरिएको छ।
खाडी मुलुकका मुद्रामा समेत वृद्धि देखिएको छ। साउदी रियाल एकको खरिददर ४० रुपैयाँ ७० पैसा, कतारी रियाल ४१ रुपैयाँ ९२ पैसा, युएई दिराम ४१ रुपैयाँ ६१ पैसा, कुवेती दिनार ४९९ रुपैयाँ ४५ पैसा, बहराइन दिनार ४०५ रुपैयाँ ३० पैसा तथा ओमानी रियाल ३९६ रुपैयाँ ९७ पैसा पुगेको छ।
त्यसैगरी मलेसियन रिङ्गेट, स्वीडिस क्रोनर, डेनिस क्रोनर र हङकङ डलरको विनिमयदरमा पनि सामान्य वृद्धि भएको छ।
हाल भने भारतीय रुपैयाँको विनिमयदर स्थिर रहेको छ। राष्ट्र बैंकले भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा यथावत् राखेको छ।
राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने दरमा केही फरक हुन सक्ने भएकाले अद्यावधिक जानकारीका लागि सम्बन्धित बैंक वा राष्ट्र बैंकको वेबसाइट हेर्न आग्रह गरिएको छ।
प्रतिक्रिया
सम्बन्धित खबर
