नतिजाले भिटामिन ‘ए’, आयोडिनयुक्त नुन र फोर्टिफाइड खानाको भविष्य निर्धारण गर्ने
काठमाडौं, २०८३ कात्तिक १६ गते : देशको सूक्ष्म पोषक तत्त्वको वास्तविक अवस्था बुझ्न राष्ट्रव्यापी सर्वेक्षण सुरु भएको छ। यसको नतिजा नै देशको पोषण नीति कस्तो हुने भन्ने मुख्य आधार बन्नेछ।
सर्वेक्षणबाट प्राप्त तथ्यांकका आधारमा बालबालिकालाई भिटामिन ‘ए’ खुवाउने कार्यक्रम निरन्तर राखिने वा नराखिने भन्ने टुंगो लाग्नेछ। त्यसैगरी, नुनमा आयोडिनको मात्रा घटाउने वा बढाउने आवश्यकता छ कि छैन भन्ने कुरा पनि यही नतिजाले निर्धारण गर्नेछ।
सरकारले लक्षित समूहका लागि सूक्ष्म पोषक तत्त्व मिसाइएको खाना वितरण गर्ने विषयलाई पनि गम्भीरतापूर्वक हेर्ने तयारी गरेको छ। सर्वेक्षणले कुन समूहमा कुन पोषक तत्त्वको कमी छ भनेर देखाए पछि, विद्यमान नीतिमा आवश्यक संशोधन गरिनेछ।
प्रतिक्रिया
सम्बन्धित खबर
