१३ कात्तिक, काठमाडौं । नेपाल प्रिमियर लिग (एनपीएल) क्रिकेटको तेस्रो संस्करणअन्तर्गत आज शुक्रबार कुनै पनि खेल हुने छैन । प्रतियोगिताको खेल तालिकाअनुसार आज खेलाडी तथा टोलीका लागि विश्राम दिन राखिएको छ ।
कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा भोलि शनिबारदेखि प्रतियोगिता पुनः सञ्चालन हुनेछ । शनिबार दुई खेल हुनेछन् ।
पहिलो खेलमा लुम्बिनी लायन्स र चितवन राइनोज आमनेसामने हुनेछन् । उक्त खेल दिउँसो १२ः३० बजे सुरु हुनेछ । दोस्रो खेलमा सुदूरपश्चिम रोयल्स र विराटनगर किङ्सबीच प्रतिस्पर्धा हुनेछ । दोस्रो खेल साँझ ५ बजे सुरु हुनेछ ।
यससँगै एनपीएलको तेस्रो संस्करणमा अहिलेसम्म भएका खेलहरूले प्रतियोगितालाई थप प्रतिस्पर्धात्मक बनाएका छन् । सुरुआती खेलहरूमा टोलीहरूले देखाएको प्रदर्शनले आगामी खेलहरू पनि रोमाञ्चक हुने सङ्केत गरेको छ ।
यस संस्करणमा आठ टोलीको सहभागिता रहेको छ । प्रतियोगिताका सबै खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा सञ्चालन भइरहेका छन् । प्रतियोगिता नोभेम्बर २१ सम्म चल्नेछ ।
शनिबारका दुवै खेलले अङ्कतालिकामा टोलीहरूको अवस्था थप रोचक बनाउने अपेक्षा गरिएको छ ।
प्रतिक्रिया
सम्बन्धित खबर
