काठमाडौं, १९ कात्तिक २०८३। नेपाल प्रहरीको नेतृत्व परिवर्तन भएको छ। सरकारले प्रहरी अतिरिक्त महानिरीक्षक (एआईजी) डा. मनोजकुमार केसीलाई प्रहरी महानिरीक्षक (आईजीपी) मा बढुवा गर्दै संगठनको सर्वोच्च नेतृत्वको जिम्मेवारी दिएको छ।

कात्तिक १८ गते बसेको मन्त्रिपरिषद् बैठकले केसीलाई नेपाल प्रहरीको नयाँ प्रमुख नियुक्त गर्ने निर्णय गरेको हो। यसअघि एआईजीको जिम्मेवारीमा रहेका केसी अब प्रहरी संगठनको नेतृत्व गर्दै समग्र सुरक्षा व्यवस्थापन, अपराध अनुसन्धान र प्रहरी प्रशासनको कमान्ड सम्हाल्नेछन्।

यस निर्णयसँगै वर्तमान प्रहरी प्रमुख दानबहादुर कार्कीको कार्यकाल समाप्त भएको छ। सरकारले कार्कीलाई प्रधानमन्त्रीको सुरक्षा सल्लाहकारका रूपमा जिम्मेवारी दिने निर्णय गरेको छ। प्रहरी नेतृत्वबाट उनलाई प्रधानमन्त्रीको सुरक्षा संयन्त्रमा स्थानान्तरण गरिएको हो।