मौसम पूर्वानुमान महाशाखाको २४ घण्टे मापन — कास्की र लमजुङका मापन केन्द्रमा ‘धेरै भारी’ श्रेणीको वर्षा
२८ भदौ, काठमाडौं । गण्डकी प्रदेशका पहाडी जिल्लामा पछिल्लो २४ घण्टामा भएको वर्षाले मौसम पूर्वानुमान महाशाखाको सतर्कता सूचीमा शीर्ष स्थान ओगटेको छ । महाशाखाको रेकर्डअनुसार सबैभन्दा बढी वर्षा कास्कीको लुम्लेमा मापन भएको हो ।
लुम्ले मापन केन्द्रमा २४ घण्टाको अवधिमा १२५.४ मिलिमिटर वर्षा रेकर्ड भएको महाशाखाले जनाएको छ । मापनकै आधारमा यो वर्षालाई मौसम विज्ञानमा ‘धेरै भारी वर्षा’ श्रेणीमा राखिन्छ ।
महाशाखाको परिभाषाअनुसार २४ घण्टामा १० देखि ५० मिलिमिटरसम्म पर्ने वर्षा मध्यम, ५० देखि १०० मिलिमिटर भारी, १०० देखि २०० मिलिमिटर धेरै भारी र २०० मिलिमिटरभन्दा माथि पर्ने वर्षा अति भारी मानिन्छ । लुम्लेको मापन यसमा दोस्रो चोतो श्रेणीभित्र पर्छ ।
लुम्लेपछि दोस्रो ठूलो वर्षा लमजुङको फलेनीमा रेकर्ड भएको छ । सो केन्द्रमा २४ घण्टामा १०९.२ मिलिमिटर वर्षा मापन भएको महाशाखाले जानकारी दियो । त्यस्तै धादिङ र गोरखाको सीमामा रहेको आरुघाट मापन केन्द्रमा सोही अवधिमा ८७.८ मिलिमिटर वर्षा परेको छ, जुन ‘भारी वर्षा’ श्रेणीमा पर्छ ।
प्रतिक्रिया
सम्बन्धित खबर
