काठमाडौं, असोज ४ । तीनदिने भारत भ्रमण सकाएर अर्थमन्त्री स्वर्णिम वाग्ले शनिबार काठमाडौं फर्किनुभएको छ। भारतीय अर्थमन्त्री निर्मला सीतारमणसँगको भेटपछि उहाँले भारतीय व्यवसायीहरूलाई नेपालमा लगानी विस्तार गर्न आह्वान गर्नुभएको थियो। यता नेपाल राष्ट्र बैङ्कका प्रवक्ता गुरुप्रसाद पौडेलकाअनुसार मुलुकको चालु खाताको बचत रू ९४ अर्ब ५९ करोड पुगेको छ। जमानतमा आधारित कर्जा कुल कर्जा प्रवाहको करिब ६७ प्रतिशत रहेको भन्दै उहाँले आयोजनामा आधारित वित्तीयकरणलाई प्रोत्साहन दिनुपर्ने बताउनुभयो।

यसैबीच पूर्वअर्थमन्त्री युवराज खतिवडाले गभर्नरको कार्यकाल घटाउने सरकारी प्रस्तावले राष्ट्र बैङ्कको स्वायत्तता खतरामा पर्ने चेतावनी दिनुभएको छ। साउन मध्यदेखि भदौ मध्यसम्ममा रू ५ अर्ब भन्दा बढीको विद्युत् निर्यात भएको नेपाल विद्युत् प्राधिकरणले जनाएको छ — द्विपक्षीय सम्झौताअन्तर्गत ४२ करोड १६ लाख इकाइ रू ३ अर्ब ६४ करोडमा बिक्री भएको छ। तर चिलिमे र त्रिशूली आयोजनामा बाढीको क्षतिपछि बङ्गलादेशतर्फको निर्यात ठप्प छ। बीरगञ्ज नाकाबाट रू ३४ अर्ब ४६ करोड राजस्व संकलन भएको छ।