२३ जेठ, काठमाडौं । भारतको राजधानी नयाँ दिल्लीस्थित जन्तर–मन्तरमा केन्द्रीय शिक्षा मन्त्री धर्मेन्द्र प्रधान को राजीनामा माग गर्दै कक्रोच जनता पार्टी (सीजेपी) ले प्रदर्शन सुरु गरेको छ। प्रदर्शनमा सीजेपीका संस्थापक अभिजीत दिपके स्वयं सहभागी भएका छन्।

शिक्षा क्षेत्रसँग सम्बन्धित विभिन्न परीक्षा तथा भर्ना प्रक्रियामा देखिएका अनियमितताप्रति असन्तुष्टि जनाउँदै प्रदर्शनकारीहरूले शिक्षा मन्त्रालयको जवाफदेहिता सुनिश्चित गर्न माग गरेका छन्। प्रदर्शन शान्तिपूर्ण रूपमा सञ्चालन गर्न आयोजकहरूले सहभागीहरूलाई अनुशासन कायम राख्न आग्रह गरेका छन्।

सीजेपीले विशेषगरी राष्ट्रियस्तरका परीक्षामा देखिएका समस्या तथा विद्यार्थीहरूको भविष्यसँग जोडिएका विषयमा सरकारको ध्यानाकर्षण गराउने उद्देश्यले आन्दोलन आयोजना गरेको जनाएको छ। प्रदर्शनका कारण जन्तर–मन्तर क्षेत्रको सुरक्षा व्यवस्था पनि कडा बनाइएको छ।