काठमाडौं । नेपाल राष्ट्र बैंक ले आइतबारका लागि विदेशी मुद्राको विनिमयदर सार्वजनिक गरेको छ। राष्ट्र बैंकका अनुसार अमेरिकी डलरको मूल्य १५२ रुपैयाँको नजिक पुगेको छ। एक अमेरिकी डलरको खरिददर १५१ रुपैयाँ ८८ पैसा र बिक्रीदर १५२ रुपैयाँ ४८ पैसा कायम गरिएको छ।
आज सार्वजनिक गरिएको विनिमयदर अनुसार प्रमुख विदेशी मुद्राहरूको भाउ पनि बढेको छ। युरोको खरिददर १७५ रुपैयाँ ८० पैसा र बिक्रीदर १७६ रुपैयाँ ५० पैसा तोकिएको छ भने बेलायती पाउण्ड स्टर्लिङको खरिददर २०३ रुपैयाँ ७३ पैसा र बिक्रीदर २०४ रुपैयाँ ५४ पैसा कायम गरिएको छ। स्वीस फ्र्याङ्कको खरिददर १९० रुपैयाँ ७८ पैसा तथा बिक्रीदर १९१ रुपैयाँ ५३ पैसा निर्धारण गरिएको छ।
त्यसैगरी, अष्ट्रेलियन डलरको खरिददर १०६ रुपैयाँ ९२ पैसा र बिक्रीदर १०७ रुपैयाँ ३५ पैसा रहेको छ। क्यानेडियन डलरको खरिददर १०८ रुपैयाँ ५८ पैसा र बिक्रीदर १०९ रुपैयाँ ०१ पैसा तथा सिङ्गापुर डलरको खरिददर ११८ रुपैयाँ ३० पैसा र बिक्रीदर ११८ रुपैयाँ ७७ पैसा कायम गरिएको छ।
जापानी येन १० को खरिददर ९ रुपैयाँ ४८ पैसा र बिक्रीदर ९ रुपैयाँ ५२ पैसा तोकिएको छ। चिनियाँ युआनको खरिददर २२ रुपैयाँ ४६ पैसा र बिक्रीदर २२ रुपैयाँ ५५ पैसा रहेको छ। साउदी रियालको खरिददर ४० रुपैयाँ ४७ पैसा तथा बिक्रीदर ४० रुपैयाँ ६३ पैसा कायम गरिएको छ भने कतारी रियालको खरिददर ४१ रुपैयाँ ६६ पैसा र बिक्रीदर ४१ रुपैयाँ ८२ पैसा निर्धारण गरिएको छ।
राष्ट्र बैंकका अनुसार युएई दिराम, मलेसियन रिङ्गेट, थाइ भाट, दक्षिण कोरियाली वन, स्वीडिस क्रोनर, डेनिस क्रोनर, हङकङ डलर, कुवेती दिनार, बहराइन दिनार र ओमानी रियालको विनिमयदरमा पनि वृद्धि देखिएको छ।
भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा कायम गरिएको छ।
राष्ट्र बैंकले आवश्यकता अनुसार विनिमयदर जुनसुकै समयमा संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने विनिमयदर भने फरक हुन सक्ने भएकाले अद्यावधिक जानकारीका लागि राष्ट्र बैंकको वेबसाइट हेर्न आग्रह गरिएको छ।
प्रतिक्रिया
सम्बन्धित खबर
