रुकुम पश्चिम — जिल्लाको बाँफीकोट गाउँपालिका–७ लिस्नेमा भएको जिप दुर्घटनामा मृत्यु हुनेको संख्या सात पुगेको छ भने १० जना घाइते भएका छन्।
आठबिसकोट नगरपालिकाको स्यालाखदीबाट जिल्ला सदरमुकाम मुसिकोट (खलंगा)तर्फ जाँदै गरेको रा १ ज ४२२ नम्बरको जिप करिब ७ सय मिटर तल खसेको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरिप्रसाद पुनले जानकारी दिए।
मृतकहरूमा आठबिसकोट नगरपालिका–२ स्यालाका
-
३० वर्षीया कमला वली,
-
१६ वर्षीय टेकजंग बुढा,
-
१५ वर्षीया दिलमाया बूढा,
-
१७ वर्षीया मनिका वली,
-
१८ वर्षीया शर्मिला विक,
-
२२ वर्षीय गोपाल वली रहेका छन्।
-
एक जनाको परिचय हालसम्म खुल्न बाँकी छ।
दुर्घटनामा घाइते भएका १० जनालाई उद्धार गरी जिल्ला अस्पताल सल्ले लगिएको प्रहरीले जनाएको छ। दुर्घटनाको कारण प्रारम्भिक अनुसन्धान अनुसार सडक अस्थिरता र ब्रेक फेल हुनसक्ने अनुमान गरिएको छ।
