आईसीसी टी–२० विश्वकप क्रिकेटअन्तर्गत दोस्रो चरणका खेलहरू जारी रहेका छन्। शनिबारदेखि सुरु भएको यस चरणमा वर्षाका कारण पाकिस्तान र न्युजिल्याण्डबीचको खेल रद्द भएको थियो।
आज आइतबार समूह ‘क’ र ‘ख’ का एक–एक प्रतिस्पर्धा हुँदैछन्।
पहिलो प्रतिस्पर्धामा इङ्गल्याण्ड राष्ट्रिय क्रिकेट टोली र श्रीलंका राष्ट्रिय क्रिकेट टोली आमनेसामने हुनेछन्। खेल पल्लेकेले अन्तर्राष्ट्रिय क्रिकेट रंगशाला मा दिउँसो सवा ३ बजे सुरु हुनेछ। पछिल्ला पाँच भेटमा इंग्ल्याण्डले श्रीलंकालाई लगातार पराजित गर्दै आएको छ। अघिल्लो महिना श्रीलंका भ्रमणमा गएको इंग्ल्याण्ड टोलीले तीनै खेल आफ्नो पक्षमा पारेको थियो भने त्यसअघिका दुई खेलमा पनि इंग्ल्याण्ड नै विजयी बनेको थियो।
दोस्रो प्रतिस्पर्धामा भारत राष्ट्रिय क्रिकेट टोली र दक्षिण अफ्रिका राष्ट्रिय क्रिकेट टोली बीच खेल हुनेछ। उक्त खेल बेलुकी सवा ७ बजे नरेन्द्र मोदी रंगशाला मा आयोजना हुनेछ। पछिल्ला पाँच भेटमध्ये भारतले तीन खेल जितेको छ भने दक्षिण अफ्रिकाले एक खेल जितेको छ र एक खेल वर्षाका कारण रद्द भएको थियो।
यस चरणका यी प्रतिस्पर्धाहरूले प्रतियोगितालाई अझ रोमाञ्चक र प्रतिस्पर्धात्मक बनाउने अपेक्षा गरिएको छ।
प्रतिक्रिया
सम्बन्धित खबर
