कीर्तिपुरस्थित त्रिवि क्रिकेट मैदान एनपीएलको रौनकले भरिएको छ। सिद्धार्थ बैंक नेपाल प्रिमियर लिग (एनपीएल) को दोस्रो संस्करण आज अपरान्ह ४ बजेदेखि सुरु हुँदैछ, र उद्घाटन खेल हेर्नका लागि मैदानमा दर्शकहरूको चहलपहल तीव्र बनेको छ। दर्शकदीर्घा क्रमशः भरिँदै गएको छ भने सुरक्षाका लागि नेपाल प्रहरी र सशस्त्र प्रहरीको बाक्लो उपस्थिति रहेको छ।
नेपालको क्रिकेट इतिहासमा पहिलोपटक फ्लडलाइटमुनि खेल हुन लागेको आजको खेलमा साविक विजेता जनकपुर बोल्ट्स र घरेलु टोली काठमान्डु गोर्खाज आमनेसामने हुँदैछन्।
गत संस्करण सामान्य मैदानमा सम्पन्न भएको भए पनि यसपटक १० हजार दर्शक क्षमता भएको प्यारापिट निर्माण गरिएको छ र ६ वटा आधुनिक फ्लडलाइट जडान गरिएको छ, जसले प्रतियोगिताको आकर्षण झनै बढाएको छ।
गत संस्करणको फाइनलमा जनकपुर बोल्ट्सले सुदूरपश्चिम रोयल्सलाई पराजित गर्दै उपाधि जितेको थियो, र यसपटक पनि जनकपुर सोही गौरव दोहोर्याउने लक्ष्यसहित मैदान उत्रिँदैछ।
उता, काठमान्डु गोर्खाजले भने यस संस्करणका लागि जर्सी, लोगो, प्रशिक्षकदेखि अधिकांश विदेशी खेलाडीसमेत परिवर्तन गर्दै नयाँ सुरुवात गर्ने तयारी गरेको छ।
प्रतिक्रिया
सम्बन्धित खबर
