काठमाडौं, ५ माघ । राष्ट्रिय स्वतन्त्र पार्टी (रास्वपा) ले काठमाडौं महानगरपालिकाका पूर्व प्रहरी प्रमुख राजुनाथ पाण्डेलाई काठमाडौं–३ बाट प्रतिनिधिसभा सदस्यको उम्मेदवार बनाउने निर्णय गरेको छ ।

पाण्डेले आफूले पार्टीबाट टिकट प्राप्त गरिसकेको पुष्टि गर्दै मंगलबार निर्वाचन अधिकृतको कार्यालय पुगेर मनोनयन दर्ता गर्ने जानकारी दिए । आसन्न निर्वाचनमा सक्रिय सहभागिता जनाउने उद्देश्यले उनले केही दिनअघि महानगर प्रहरी प्रमुख पदबाट राजीनामा दिएका थिए ।

प्रशासनिक अनुभव र सार्वजनिक सेवामा देखाएको सक्रियताका कारण पाण्डेले काठमाडौं–३ मा नयाँ राजनीतिक विकल्पको प्रतिनिधित्व गर्ने अपेक्षा गरिएको छ । रास्वपाले योग्य, सक्षम र जनमुखी उम्मेदवार अघि सारेको दाबी गर्दै आगामी निर्वाचनमा सशक्त उपस्थिति जनाउने तयारी गरेको जनाएको छ ।