काठमाडौं, २१ माघ। नेपाली बजारमा सुनचाँदीको भाउ फेरि उकालो लागेको छ। अघिल्लो दिनको तुलनामा सुनको मूल्य एकैदिन १४ हजार ४०० रुपैयाँले बढेको हो।
नेपाल सुनचाँदी व्यवसायी महासंघका अनुसार बुधबार छापावाल सुनको भाउ प्रतितोला ३ लाख ४ हजार ७०० रुपैयाँ निर्धारण गरिएको छ। मंगलबार भने सुनको भाउ प्रतितोला २ लाख ९० हजार ३०० रुपैयाँ रहेको थियो।
त्यसैगरी, चाँदीको भाउमा पनि वृद्धि देखिएको छ। बुधबार चाँदीको मूल्य तोलामा २ सय ६५ रुपैयाँले बढ्दै प्रतितोला ५ हजार ६०० रुपैयाँ कायम भएको महासंघले जनाएको छ।
पछिल्लो समय अन्तर्राष्ट्रिय बजारको प्रभावसँगै नेपाली बजारमा पनि सुनचाँदीको मूल्य निरन्तर उतारचढावमा देखिएको छ।
प्रतिक्रिया
सम्बन्धित खबर
