११ कात्तिक, काठमाडौं ।
स्पेनको टोलेडो क्षेत्रमा दुई तीव्र गतिको रेल आपसमा ठोक्किँदा दर्जनौँ मानिसको मृत्यु भएको खबर सार्वजनिक भएको छ।
सञ्चारमाध्यम स्काइ न्युजका अनुसार स्थानीय अधिकारीहरूलाई उद्धृत गर्दै दुर्घटनामा कम्तीमा ३९ जनाको ज्यान गएको जनाइएको छ। यद्यपि, मृतकको उक्त सङ्ख्या स्वतन्त्र रूपमा पुष्टि भइसकेको छैन।
दुर्घटनाको कारण, घाइतेको सङ्ख्या तथा घटनासँग सम्बन्धित अन्य विवरणबारे थप जानकारी आउन बाँकी छ। घटनास्थलमा भएको क्षति र उद्धार कार्यबारे पनि विस्तृत विवरण सार्वजनिक हुन सकेको छैन।
स्पेनका प्रधानमन्त्री पेड्रो सान्चेजले दुर्घटनाप्रति दुःख व्यक्त गर्दै घटनाबाट आफू स्तब्ध भएको बताएका छन्। सामाजिक सञ्जाल एक्समार्फत प्रतिक्रिया दिँदै उनले दुर्घटनाको अवस्थाबारे यातायातमन्त्री र कास्टिला–ला मन्चा क्षेत्रका अध्यक्षसँग निरन्तर सम्पर्कमा रहेको जानकारी दिएका छन्।
दुर्घटनाबारे थप आधिकारिक विवरण सार्वजनिक भएपछि मृतक तथा घाइतेको सङ्ख्या र घटनाको वास्तविक अवस्थाबारे स्पष्ट हुने अपेक्षा गरिएको छ।
प्रतिक्रिया
सम्बन्धित खबर
