आईसीसी टी–२० विश्वकपअन्तर्गत सुपर–८ चरणमा आज इंग्ल्याण्ड र पाकिस्तानबीच रोमाञ्चक प्रतिस्पर्धा हुँदैछ। खेल पल्लेकेले अन्तर्राष्ट्रिय क्रिकेट स्टेडियम, कोलम्बोमा मंगलबार बेलुकी सवा ७ बजे सुरु हुनेछ।
सुपर–८ मा इंग्ल्याण्डले आफ्नो दोस्रो खेल खेल्दैछ। पहिलो खेलमा उसले श्रीलंका राष्ट्रिय क्रिकेट टोलीलाई पराजित गर्दै आत्मविश्वासका साथ अघि बढेको थियो।
यता पाकिस्तान भने सुपर–८ मा पहिलो पटक मैदान उत्रँदैछ। यसअघि न्युजिल्याण्ड राष्ट्रिय क्रिकेट टोलीविरुद्धको खेल वर्षाका कारण रद्द भएपछि दुवै टोलीले अंक बाँडेका थिए। त्यसैले सेमिफाइनल सम्भावना बलियो बनाउन पाकिस्तानलाई आजको खेल जित्नैपर्ने दबाब छ।
यदि पाकिस्तानले इंग्ल्याण्डलाई पराजित गर्न सफल भयो भने उसको सेमिफाइनल यात्रा थप सशक्त बन्नेछ। तर इंग्ल्याण्ड विजयी भएमा भने उसको अन्तिम चारमा स्थान लगभग सुनिश्चित हुनेछ।
सुपर–८ को समूह ‘बी’ मा इंग्ल्याण्ड, न्युजिल्याण्ड, पाकिस्तान र श्रीलंका रहेका छन्। प्रत्येक टोलीले एक–अर्कासँग प्रतिस्पर्धा गरेपछि शीर्ष दुई टोली सेमिफाइनलमा प्रवेश गर्नेछन्।
प्रतिक्रिया
सम्बन्धित खबर
