काठमाडौं, २४ वैशाख — नेपाल राष्ट्र बैंकले आजका लागि सार्वजनिक गरेको विदेशी मुद्राको विनिमयदर अनुसार अमेरिकी डलर, पाउण्ड स्टर्लिङ र स्विस फ्र्याङ्कको मूल्यमा सामान्य गिरावट आएको छ भने युरो र अष्ट्रेलियन डलरको भाउ बढेको छ।
आज अमेरिकी डलर एकको खरिददर १५१ रुपैयाँ ८ पैसा र बिक्रीदर १५१ रुपैयाँ ६८ पैसा कायम भएको छ। अघिल्लो दिन यसको खरिददर १५२ रुपैयाँ १६ पैसा र बिक्रीदर १५२ रुपैयाँ ७६ पैसा रहेको थियो।
युरोको विनिमयदर भने बढेको छ। आज एक युरोको खरिददर १७८ रुपैयाँ ५ पैसा र बिक्रीदर १७८ रुपैयाँ ७५ पैसा तोकिएको छ। हिजो यसको खरिददर १७७ रुपैयाँ ९२ पैसा र बिक्रीदर १७८ रुपैयाँ ६२ पैसा थियो।
त्यसैगरी, पाउण्ड स्टर्लिङको मूल्यमा पनि सामान्य कमी आएको छ। आज एक पाउण्डको खरिददर २०६ रुपैयाँ ४ पैसा र बिक्रीदर २०६ रुपैयाँ ८६ पैसा कायम गरिएको छ। अघिल्लो दिन खरिददर २०६ रुपैयाँ ११ पैसा र बिक्रीदर २०६ रुपैयाँ ९२ पैसा थियो।
स्विस फ्र्याङ्कको विनिमयदर पनि घटेको छ। आज एक स्विस फ्र्याङ्कको खरिददर १९४ रुपैयाँ २० पैसा र बिक्रीदर १९४ रुपैयाँ ९७ पैसा तोकिएको छ। हिजो यसको खरिददर १९४ रुपैयाँ २२ पैसा र बिक्रीदर १९४ रुपैयाँ ९८ पैसा रहेको थियो।
यता अष्ट्रेलियन डलरको मूल्य लगातार उकालो लागेको छ। आज एक अष्ट्रेलियन डलरको खरिददर १०९ रुपैयाँ ७० पैसा र बिक्रीदर ११० रुपैयाँ १३ पैसा कायम भएको छ। अघिल्लो दिन यसको खरिददर १०९ रुपैयाँ १५ पैसा र बिक्रीदर १०९ रुपैयाँ ५८ पैसा थियो।
नेपाल राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ। साथै, वाणिज्य बैंकहरूले निर्धारण गर्ने विनिमयदर फरक हुन सक्ने र अद्यावधिक दर राष्ट्र बैंकको वेबसाइटमा उपलब्ध रहने जानकारी दिएको छ।
प्रतिक्रिया
सम्बन्धित खबर
